Refrain:
Kütt die fünfte Johreszick, weed Karneval jefiert, un wenn dä Funke üvver springt, sin mer elektrisiert; jlöckselich sitz Prinz Markus dann, janz stolz op singem Thron, un mer sin raderkastendoll denn mer stonn unger Strom, un mer sin raderkastendoll denn mer stonn unger Strom.
1. Strophe
Prinz Markus wor als kleine Stropp an allem interessiert, dröm es dabei och manchesmol su einiges passiert. Do sagten dann sing Eldere, der Klein dä es bestuss, dä raubt uns noch dä letzte Nerv, doch domet es jetzt Schluss. Se daachten sich wat maache mer, dat wor och nit jemein, un hann ihn schließlich anjemeld em Karnevalsverein.
2. Strophe
Bei Grön-Wieß en der Immerfroh wor hä stets engagiert, met Büttenrede un Gesang hät hä sich präsentiert, och tänzerisch hät hä jeglänz, met Boygroup trot hä op hä hauten och beim Wagenbau, manch Nagel op dä Kopp. Un wenn em Vorstand Arbeit wor, dann wor hä stets präsent, un wor och en der Immerfroh dä Vize-Präsident.
3. Strophe
Dat Markus einmol Prinz wollt sin, dat wor ihm lang schon klor, die Immerfroh hät ihn jewählt, un singe Droum wot wohr. Als Hofnarr von Prinz Heinz es uns dä Markus schon bekannt, doch diesmol hält hä selver Stolz, dat Zepter en der Hand. Et Tina un dä Christian stonn ihm dobei zur Sick, un han met all dä Jecke he, en superjeile Zick.